بەڕێوەبەرایەتی جێبەجێکردنی دووەمی سلێمانی کرایەوە

964+

ژووری هەواڵ

وەزارەتی دادی هەرێمی کوردستان بەڕێوەبەرایەتی جێبەجێکردنی دووەمی سلێمانی کردەوە و رایگەیاند، لەمەودوا کارەکانی هاوڵاتیان ئاسانتر و خێراتر راییدەکرێن.

بەڕێوەبەرایەتییەکە تایبەتە بە راییکردنی مامەڵەکانی وەرگرتنەوەی قەرزی میری و پەڕاوی بازرگانی کە شیاوی دەستاودەست کردنن، وەزارەتی داد وا دەڵێت.

لە مانگی تشرینی دووەمی 2021، وەزارەتی داد بڕیاریدا بەڕێوەبەرایەتی جێبەجێکردنی دووەمی سلێمانی بکاتەوە، لەدوای دوو ساڵ، رۆژی پێنجشەممە 2.11.2023، بڕیارەکە چووە بواری جێبەجێکردنەوە.

لەئێستادا بەڕێوەبەرایەتییەکە فەرمانبەری پێویست و باڵەخانەیەکی بۆ دابینکراوە و دەستی بە کارەکانی کردووە.

سەنتەری چاودێریی بوومەلەرزانی کوردستان کرایەوە