دیمەنێکی پارکی ئازادی - وێنە: 964
154 ملیۆن دیناری دەوێت
پرۆژەیەکى کارەبا بۆ پارکی ئازادی و سیتەک جێبەجێ دەکرێت
964+
ژووری هەواڵ
به بڕی زیاتر لە 154 ملیۆن دینار پرۆژەیەکى کارەبا بۆ پارکی ئازادی و سیتەک لە سلێمانی جێبەجێ دەکرێت.
پرۆژه‌كه بریتییه له‌دانانی محاویله و ستوونی په‌ستان نزم و گواستنه‌وه‌ی محاویله له سنووری شاره‌وانیی سیته‌ك و دانانی محاویله‌ی مساعد بۆ محاویله‌ی چوار فیده‌ری 66 وێستگه‌ی پاركی ئازادی، به مه‌به‌ستی كه‌مكردنه‌وه‌ی لۆدی زۆر له سنووری به‌ڕێوه‌به‌رایه‌تیی دابه‌شكردنی كاره‌بای سلێمانی/رۆژهه‌ڵات.
ئەمڕۆ چوارشەممە 1.11.2023، سیروان محەمەد، وتەبێژی کارەبای سلێمانی بە 964ـی راگەیاند، پرۆژەکە له‌سه‌ر بودجه‌ی داهاتی 8%ـی كاره‌با جێبەجێ دەکرێت و بودجەکەی پێکهاتووە لە 154 ملیۆن و 295 هەزار دینار.
پرۆژەکە له‌لایه‌ن كۆمپانیای كاربین جێبه‌جێ ده‌كرێت و بڕیاره له ماوه‌ی 65 رۆژدا كاره‌كانی ته‌واو بێت.
