دیمهنى ناو دوكانى یهكێك له بریكاره‌كانى خۆراكى هه‌ولێر..
لیستی مانگی 10
لیستى به‌شه‌خۆراكى نۆیه‌م به‌سه‌ر بریكاره‌كانى هه‌ولێر دابه‌ش كرا
964+
فه‌رهاد حه‌سه‌ن
بەڕێوەبەرایەتیی بازرگانیی کەلوپەلی خۆراکى هەولێر ده‌ڵێت، له ئه‌مڕۆوه ده‌ستیان به دابه‌شكردنى لیستى به‌شه‌خۆراكى نۆیه‌مى ئه‌مساڵ به‌سه‌ر بریكاره‌كانى سنوورى پارێزگاكه‌یاندا كرد.
تا ئێستا هه‌شت به‌شه‌خۆراك له هه‌رێمی كوردستان دابه‌شكراوه و دوێنێش به‌ڕێوه‌به‌رى گشتىی بازرگانیى هه‌رێم به 964ـى وت، چاوه‌ڕێى به‌غدان تا بڕیار له‌سه‌ر دابه‌شكردنى به‌شه‌خۆراكى نۆیه‌مى ئه‌مساڵ بدات.
به‌پێی ئه‌و لیسته‌ى كه به‌ڕێوه‌به‌رایه‌تیى كه‌لوپه‌لى خۆراكى هه‌ولێر بڵاویكردووه‌ته‌وه، پێكهاتوون له بنکەکانی ناوشار كه بریتین له بنكه‌كانى 201، 202، 203، 204، 205 .
بنکە دوورەکان، كه ده‌ره‌وه‌ى ناوه‌ندى هه‌ولێر ده‌گرێته‌وه، بریتین له بنكه‌كانى 222، 223 ، شه‌قڵاوه، هیران، هه‌ریر و باتاس.
ئه‌و به‌ڕێوه‌به‌رایه‌تییه تێبینییه‌كیشی بۆ بریكاره‌كان بڵاوكردووه‌ته‌وه و ده‌ڵێت “بەشەخۆراکی سەبەتەی نۆیەمی ساڵی 2023 لەسەر لیستی مانگی 10ـى 2023 دەدرێت”.
بەرێوەبەرایەتیی خۆراکى هەولێر لیستى به‌شه‌خۆراكى هه‌شته‌مى بڵاوكرده‌وه
