سێ کۆڵبەر لە ناوچە سنورییەکانی باشوور و رۆژهەڵاتی کوردستان _ وێنە: رێکخراوەکان
بارودۆخی ناجێگیرە
رێکخراوی هەنگاو: کۆڵبەرێک بە تەقەی راستەوخۆ بریندار کرا
964+
پێشەوا محەمەد
رێکخراوی مافی مرۆڤی هەنگاو برینداربوونی کۆڵبەرێکی “بە تەقەی راستەوخۆی هێزە ئەمنییەکانی ئێران” راگەیاند، کە تەمەنی 26 ساڵە.
کۆڵبەرەکە ناوی سەروەر شەریفە، خەڵکی گوندی کەوپێچی سەر بە شاری بانەیە و لە سنووری کێلێ ئێوارەی ئەمڕۆ بریندار کراوە.
رێکخراوی مافی مرۆڤی هەنگاو، کە چاودێری رەوشی مافی مرۆڤی رۆژهەڵاتی کوردستان دەکات لە راگەیەندراوێکدا، کە ئەمڕۆ شەممە 28.10.2023 بڵاوی کردووەتەوە دەڵێت، “ئەو کۆڵبەرە سەری بەرکەوتووە و بە سەختی بریندارە و بارودۆخی تەندروستی ناجێگیرە”.
بە پێی ئامارەکانی رێکخراوەکە، لە ماوەی دوو مانگی رابردوودا زیاتر لە دوو کۆڵبەر کوژراون 15ـی دیکەش بریندار بوون.
