دیمەنێکی شاری سلێمانی - وێنە: 964
شێوەکاری سێ شاری رۆژهەڵاتی کوردستانن
35 شێوەکاری رۆژهەڵات تابلۆکانیان لە سلێمانی نمایش دەکەن
964+
پێشەوا محەمەد
35 شێوەکاری شارەکانی هەمەدان، سەقز و مهاباد دێنە سلێمانی و لە پێشانگایەکدا تابلۆکانیان نمایش دەکەن.
پێشانگاکە لە لایەن ناوەندی حەوت رەنگە لە سلێمانی و لە 1.12.2023 دەکرێتەوە و بۆ ماوەی پێنج رۆژ بەردەوام دەبێت و 70 تابلۆی تێدا نمایش دەکرێت.
بەختیار سەعید، سەرپەرشتیاری ناوەندی حەوت رەنگە بە 964ـی راگەیاند، گرنگە شێوەکارانی شاری سلێمانی و هەرێم ئەزموونی هونەرمەندانی دەرەوەی خۆیان ببینن و سوود لە ئەزموونی یەکتری ببینن.
وتیشی، “پێشانگاکە دەبێتە هۆکارێک بۆ دروستکردنی پەیوەندی هونەری و ئەگەری دروستبوونی پڕۆژەی هاوبەش لەنێوان هونەرمەندانی هەردوولادا”.
ئەوە یەکەمجارە ژمارەیەک شێوەکاری رۆژهەڵاتی کوردستان لە شاری سلێمانی لە پێشانگایەکدا بەرهەمەکانیان پیشان بدەن.
