ژمارەیەک هاوڵاتی کە دەیانەوێت بچن بۆ عومرە - وێنە: بەڕێوەبەرایەتی حەج و عەمرە
لیژنەی ناو تۆمارکردن بۆ حەج دەچێتە دەربەندیخان
964+
توانا نەقی
دوای ئەوەی لە ناوەڕاستی ئەم مانگەوە وەزارەتی ئەوقاف پرۆسەی ناو تۆمارکردنی بۆ حەج دەستپێکردەوە بۆ یەکەم جار لیژنەیەک دەچێتە دەربەندیخان بۆ ناو تۆمارکردن
لیژنەکە بە رەچاوردنی چەند هۆکارێک و لەسەر داوای ئیدارەی قەزاکە لە رۆژی 22.10.2023 دەگەنە دەربەندیخان و ناوی ئەو کەسانە نیازی چوونە حەجیان هەیە دەنووسن.
سلێمان محەمەد قایمقامی دەربەندیخان بە 964ـی وت، بۆ یەکەم جارە لیژنە خۆیان بچنە دەربەندیخان و چاوڕێ دەکرێت سەروو 1000 کەس ناوی خۆیان تۆمار بکەن.
وتیشی، ئەوان داوایان کردووە لەبەر ئەوەی رێگاکەیان بۆ سلێمانی زۆر خراپە و زۆربەی ئەو کەسانەشی ناو تۆمار دەکەن بەتەمەنن نۆیە لیژنەکە خۆیان بێنە قەزاکەو ناوەکان تۆمار بکەن.
پێشتر نەبەز ئیسماعیل وتەبێژی وەزارەتی ئەوقاف و کاروباری ئاینی بۆ 964 وتی، ئەوانەی لەساڵی 2017-ەوە ناویان بۆ پرۆسەی حەج تۆمارکردووە، نزیکەی 38 هەزار کەس دەبن و ئەمساڵ لە پرۆسەی تیروپشک بەشداری دەکەن و رێژەی %60یان پێدەدرێت و ئەوانەشی ئەمساڵ ناویان تۆماردەکەن رێژەی %40یان بەردەکەوێت.
لە رۆژی 15.10.2023ـەوە پرۆسەی ناو تۆمارکردن بۆ پرۆسەی حەجی ساڵی 2024 دەستیپێکردووە و پشکی هەرێم چوار هەزار و 685 کەسە بۆ گەشتی حەج.
