دوو رۆژە
خولێک بۆ فریاگوزاری سەرەتایی دەستی پێکرد
+964
یادگار محەمەد – سلێمانی
بەڕێوەبەرایەتیی لاوانی سلێمانی، خولێکی فریاگوزاری سەرەتایی بۆ وەرزشوانان و ئارەزوومەندان کردەوە.
بە مەبەستی ئاشنابوون و پێگەیاندنی فێرخوازان، بەڕێوەبەرایەتیی لاوانی سلێمانی خولێکی فریاگوزاری سەرەتایی بۆ کوڕان و کچان کردەوە.
نزار ژاژڵەیی بەڕێوەبەری لاوانی سلێمانی بە 964ـی وت، وەک بەڕێوەبەرایەتیەکەیان ساڵانە چەندان خولی جۆراوجۆر بۆ فێرخوازان و وەرزشوانان ساز دەکەن.
وتیشی، ئەم خولە گرنگی تایبەتی هەیە و پێویستە هەموو کەس بە گشتی و چینی وەرزشکاران بە تایبەتی زانیاری تەواویان لەسەر ئەم فریاگوزارییانە هەبێت.
خولەکە ماوەی دوو رۆژ دەخایەنێت و 40 فێرخواز و وەرزشوان بەشداریان تێدا کردووە و وانەکانیش بە هەردوو شێوەی تیۆری و پراکتیکی لەلایەن دکتۆر ئالان سەڵاح مامۆستای کۆلیژی پەروەردەیی وەرزش دەوترێنەوە.
پێداچوونەوە: ئەرسەلان عەبدوڵا
لەمەوبەدوا هەموو قوتابخانەیەکی سۆران شارەزایەکی فریاگوزاری سەرەتایی لێدەبێت
