تەواوی شەقامی 120مەتری هەولێر کرا بە پۆینت تو پۆینت

964+

توانا نەقی

دوای ئەوەی بەشی هەرەزۆری شەقامی 120 مەتریی هەولێر مابوو کامێرای پۆینت تو پۆینتی بۆ دابنرێت، ئەمڕۆ بە تەواوەتی دانرا و بە شێوەی ئەزموونی کەوتەکار.

ئەمڕۆ یەکشەممە، هاتوچۆی هەولێر بڵاویکردەوە، لە رێکەوتی 15.10.2023 تا رۆژی 21.10.2023 کاتژمێر 12ـی شەو سەرجەم کامێراکانی چاودێری بە درێژایی شەقامەکە بە شێوەی تاقیکردنەوە دەخرێنەکار.

فازڵ حاجی وتەبێژی هاتوچۆی هەولێر بە 964ـی وت، یەک هەفتە بە شێوەی ئەزموونی دەبێت و دوای ئەو هەفتەیە هەموو سەرپێچییەک تۆمار دەکەن و سزای سەرپێچی کارا دەدرێت.

دەشڵێت: لە دوای ئەو رێکەوتە و لە 22.10.2023ـەوە کامێراکان سەرپێچییەکان تۆمار دەکەن.

شەقامی 120 مەتری هەولێر یەکێکە لە شەقامە خێراکان و ئەو پەڕی خێرایی تێیدا 110 کیلۆمەترە لە کاتژمێرێکدا.

کاسبکارانی دوکان کێشەیان لەگەل کامێرای پۆینت تو پۆینت هەیە