ئاوی تەق تەق. وێنە: سۆشیال میدیا.
منداڵێکی دووساڵان لە حەوزی ماسیدا خنکا
964+
شۆڕش هەرکی – هەولێر
ئەمڕۆ چوارشەممە 11.10.2023 لەگوندی ساتوقەڵانی ناحیەی تەق تەق، لە سنووری قەزای کۆیە منداڵێک کەوتە ناو حەوزێکی ماسییەوە و خنکا.
ئاسۆ مستەفا بەڕێوەبەری ناحیەی تەق تەق بۆ 964 وتی، پێش نیوەڕۆی ئەمڕۆ منداڵێکی تەمەن دووساڵان لە نزیک حەوزێکی ماسی بووە، لەگوندی ساتوقەڵان کەوتووەتە ناو حەوزەکە و خنکاوە.
وتیشی، ئەمە یەکەمین حاڵەتی خنکانە لە ناو حەوزی ماسیدا لە ناحیەکەیان.
لەدوێنێوە ئەمە دووەمین حاڵەتی خنکانە لەسنووری ناحیەی تەق تەق.
پێداچوونەوە: توانا نەقی
