کارمەندێکی کارەبای راپەڕین لە کاتی ئەرکەکەیدا - وێنە: بەڕێوەبەرایەتی کارەبای راپەڕین
45 گوند لەسەر یەک فیدەر بوون
فیدەرێکی نوێ بۆ کارەبای گوندەکانی سەنگەسەر و ژاراوە دادەندرێت
964+
پێشەوا محەمەد
بەڕێوەبەرایەتی کارەبای راپەڕین فیدەرێکی نوێی کارەبا بۆ گوندەکانی سەر بە ناحییەکانی سەنگەسەر و ژاراوە دادەنێت.
ئێستا کاری دانانەکە بەردەوامە و بوودجەی پڕۆژەکەش 138 ملیۆن دینارە لەسەر داهاتی بەڕێوەبەرایەتی کارەبای راپەڕین.
964 دەزانێت، 45 گوندی ئەو سنوورە لەسەر یەک فیدەری کارەبا بوون و بەو فیدەرە نوێیە فشارەکە کەمدەبێتەوە.
عەلی محەمەد پیرۆت، بەڕێوەبەری کارەبای راپەڕین بە 964ـی راگەیاند، کاتێک کارەبای گوندێک بەهۆی کێشەیەکەوە دەبڕا دەبوو کارەبای سەرجەم گوندەکان بکوژێندرێتەوە و بە وتەی ئەو، فیدەرە نوێیەکە ئەو کێشەیە چارەسەر دەکات.
بەڕێوەبەری کارەبای راپەڕین وتیشی، “داواکارییەکە دەمێک بوو هەبوو و بە تەواوبوونی کێشەی بێهێزی کارەباکەش چارەسەر دەبێت، کە بەهۆی فشاری زۆرەوە لەسەر فیدەری پێشوو دروست بووبوو”.
لە سنووری ئیدارەی راپەڕین 104 هاوبەشی کارەبا بوونیان هەیە.
