چەند پارچەیەکی ئۆتۆمبێل کە بە تۆمەتبارەکان گیراوە. فۆتۆ: پۆلیسی سلێمانی
پاچەی ئۆتۆمبێلەکانیان فرۆشتووەتەوە
دوو کەس لەسەر دزینی پارچەی ئۆتۆمبێل دەستگیر کران
964+
هاوبەش ئەبوبەکر
بە تۆمەتی دزینی پارچەی ئۆتۆمبێل لە ناوچەی پیشەسازی هوانەی شاری سلێمانی، دوو کەس دەستگیر کران.
تۆمەتبارەکان له ناوچه‌ی پیشه‌سازی هوانه‌ی شاری سلێمانی پارچه‌ی ئۆتۆمبێلیان دزیوه و له ناوچه‌ی پیشه‌سازی سه‌یدسادق فرۆشتویانه‌ته‌وه.
ئەمڕۆ یەکشەممە 8.10.2023، پۆلیسی سلێمانی رایگەیاند، تۆمەتبارەکان لەلایەن مه‌فره‌زه‌كانی بنكه‌ی پۆلیسی حه‌ساری سه‌ر به به‌شی پۆلیسی سه‌یدسادق دەستگیر کراون و چه‌ندین پارچه‌ی ئۆتۆمبێلیان پێبووە.
سێ کەس لەسەر دزینی مۆبایل و کەلوپەلی خانوو دەستگیر کران
سەرەتا هێزه‌كانی پۆلیس گومانیان له‌دوو تۆمه‌تبارەکە كردووە کە چه‌ندین پارچه‌ی ئۆتۆمبێلی دزراویان پێیه و هه‌وڵی ساغكردنه‌وه‌ی ده‌ده‌ن، دواتر گومانەکە راست دەرچووە و خۆیان تاوانەکەیان ئەنجامداوە.
تۆمه‌تبارەکان دانیان به تاوانه‌كه‌یاندا ناوه و به‌پێی مادده‌ی 446 له یاسای سزادان راگیراون و لێکۆڵینەوەیان لەگەڵدا دەکرێت، پۆلیسی سلێمانی وا دەڵێت.