وێنەی بازاڕی خاتوون. وێنە:964+
بە سەدان ژن بەشداریان کردووە
ژنان و کچانی دوزخورماتوو لە بازاڕی خاتوون بەرهەمەکانیان نمایش دەکەن
964+
سیروان خورشید – دوزخورماتوو
لەقەزای دوزخورماتوو بازاڕی خاتوون کراوەتەوە، ژنان و کچانی قەزاکە کارە دەستیەکانی خۆیانی لێ نمایش دەکەن و دەیفرۆشن.
حەسەن عەلی سەرپەرشتیاری پڕۆژەکەیە بە 964ی وت، کردنەوەی بازاڕەکە خۆبەخشانەیە لەلایەن هەردوو گروپی پاو و گروپی هەلا کراوەتەوە و سەرپەرشتی دەکرێن.
سەرپەرشتیاری پڕۆژەکە دەڵێت، ئامانج لە کردنەوەی ئەم بازاڕە بۆ پەرەپێدانی کارە دەستی و هونەرییەکانی کچ و ژنانی دوزخورماتووە، 20 جۆر کاری دەستی و خواردنی جیاواز نمایشکراون.
بەشداربووانی بازاڕی خاتوون لە هەر سێ نەتەوەی کورد و عەرەب و تورکمانی قەزاکەن.
شوێنی بازاڕەکە دەکەوێتە ئاوەسپی لەدوزخورماتوو، لەیەکەم رۆژدا ژمارەی بەشداربووان نزیکەی 700 کچ و ژنی ناوچەکە بوون، ئەمەش بەگوێرەی وتەی رێکخەرانی بازاڕەکە.
پێداچوونەوە: فەهمی نەبی
