لە رێگای کەرکوک – بەغدا کەسێک گیانی لەدەست دا

2023-09-17 | 14:35

+964

سیروان خورشید – دوزخورماتوو

رووداوێکی هاتوچۆ لە سەر رێگای کەرکوک – بەغدا روویدا و کەسێک گیانی لەدەست دا

پاش نیوەڕۆی ئەمڕۆ لە رووداوێکی هاوتوچۆدا لە رێگای نێوان کەرکوک – بەغدا و بە دیاریکراوی لە نێوان قەزای داقوق و تازەخورماتوو، پاسێکی نەفەرهەڵگر وەرگەڕا و بەهۆیەوە شۆفێری ئۆتۆمبێلەکە دەستبەچێ گیانی لەدەست دا.

عەباس عەبدولخالق، هاوڵاتییەکە و شایەتحاڵی رووداوەکەیە، بە 964ی وت، “ئۆتۆمبێلەکە زۆر بە خێرایی لێی دەخوڕی و لە پڕا لەسەر جادەکە بە خێرایەکی زۆر لایدا و دواتر دیسانەوە هاتەوە سەرجادەکە و دواجار کۆنتڕۆڵی لەدەست دا و بووە هۆی وەرگەڕانی ئۆتۆمبێلەکەی.

وتیشی، راستەوخۆ چووین سەر رووداوەکە و هەوڵمان دا شۆفێرەکە رزگار بکەین، بەڵام بەهۆی سەختی رووداوەکەوە دەستبەجێ گیانی لەدەست دا.

ئەو شایەتحاڵە ئاماژەی بەوەدا، شۆفێرەکە خەڵکی خورماتووە و بە تەنیا لە ناو پاسەکەیدا بوو، لە باشوورەوە بەرەو باکوور رێگای کەرکوک – بەغدا دەچوو.