لۆگۆی فەرمی وەزارەتی پەروەردەی هەرێمی کوردستان
خوێندن بە زمانی ئینگلیزییە
پەیمانگەیەکی پیشەیی بۆ دەرچوانی پۆلی 9 کرایەوە
964+
فەهمی نەبی
وەزارەتی پەروەردە رایگەیاندووە، ئەمساڵ پەیمانگەیەکی پیشەیی لەشاری هەولێر دەکرێتەوە، کە خوێندن تیایدا پێنج ساڵ دەبێت و بەزمانی ئینگلیزی دەبێت، پێوەری وەرگیران لەسەر بنەمای نمرەی زمانی ئینگلیزی پۆلی نۆ دەبێت.
ئەمڕۆ پێنجشەممە وەزارەتی پەروەردە ئەو بڕیارەیداوە، بەگوێرەی بڕیارەکە ساڵی یەکەم خوێندن تەنیا زمانی ئینگلیزی دەخوێنێت و قوتانی لە پۆلی پێنجەمی بنەڕەتی دەتوانێت داواکاری پیشکەش بکات.
ئەو بەشانەی لەو پەیمانگەیە بڕیارە بخوێندرێن، هەریەکە لەبەشی کۆمپیوتەر ئای تی، گرافیک دیزاین، ژمێریاری بازاڕ و بازاڕکردنی ئۆنڵاین و گروپی بەشی گەشتوگوزار و میوانداری.
لەو پەیمانگایە تەنیا 80 قوتابی وەردەگیرێن، وەزارەتی پەروەردە دەڵێت منداڵی مامۆستاکەی ئەو پەیمانگەیە بەدەر لە مەرجەکان وەردەگیرێن و هەر پۆلێک 16 قوتابی تێدا دەبێت.
دەرچووی پۆلی 9 لەرێگەی ئەو یوزەرنەیم و پاسۆردی وەریگرتووە لەرێگەی پلاتفۆرمی ئی -وانە دەتوانن ئەو بەشە هەڵبژێرێن کە خواستیان هەیە وەربگیرێن.
لەهەر پۆلێکی پەیمانگەکە 16 قوتابی دەخوێنن، پرۆگرامی خوێندنەکە Pearson Wider World دەبێت.