تەرمی منداڵە هەشت ساڵانەکە دۆزرایەوە و یەکەمەکانیش داوای دامەزراندن دەکەن
+964
ژووری هەواڵ
کۆمەڵێک لە دەرچووە یەکەمەکانی زانکۆکانی کوردستان چوونە بەردەم ئەنجومەنی وەزیران و بە دەنگی بەرز هاواریان ئەکرد دامەزراندن مافمانە.
بارودۆخی کەرکوک تەواو ئارام بووەتەوەو هاتوچۆ ئاساییە، بەڵام هێشتا دیمەنی سەرباز و زرێپۆشەکانیان لە سەر رێگا سەرەکییەکان رەحیماواو شۆراو دەبیندرێن.
ترسی کۆلێرا بووەتە ترسێکی جدی و دەزگا تەندروستییەکان باش کەوتوونەتە خۆیان، هەر شوێنێک جێی مەترسی بێت یەکسەر دایدەخەن.
ئەگەر خوا نەکردە لە ناحیەی رزگاری ئاگر کەوتەوە، ئەوە بەهیوای ئاگرکوژێنەوە مەبن، چونکە گازیان تیا نییە و جوڵەی بۆ ناکەن.
دواجار بە زەحمەتێکی زۆر پێش نیوەڕۆی ئەمڕۆ چیرۆکی منداڵە تەمەن هەشت ساڵانەکە کۆتایی هات و دوای شەش رۆژ لە نزیک کۆیە تەرمەکەی دۆزرایەوە.