بەشێک لەو دیمەنانەی بڵاوکراونەتەوە. وێنە: تۆڕەکانی کۆمەڵایەتی
سێ رۆژنامەنوس بریندارن و دووانیش دەستبەسەرن
964+
کاروان ساڵحی – کەرکوک
لە کاتی رووماڵکردنی گرژی و ئاڵۆزییەکانی کەرکوک و خۆپیشاندانەکانی رەحیماوا تا ئێستا لەلایەن هێزە ئەمنییەکان سێ رۆژنامەنوس بریندارن و دووی دیکەش دەستبەسەرن.
یادگار جەلال سەرنوسەری سایتی کرکوک پڵاس بە 964ی وت، “لە کاتی خۆپیشاندانەکە رووبەروووبونەوە رویدا لە نێوان هێزەکان و خۆپیشاندەرانی کورد، چومە پاڵ هێزە ئەمنێکانەوە، بەڵام لە لایەن حەشدی شعبیەوە بەشەق و بۆکس زۆریان لێدام و پاشان رزگار کرام”.
شێرزاد حەسەن وێنەگری کەناڵی knn بە 964ی وت،”خۆم و پەیامنێرەکەمان لە لایەن سوپای عیراقەوە بۆ ماوەی چل خولەک دەست بەسەر کراین و سەرجەم کەلو پەلە رۆژنامەوانێکەمان و مۆبایلەکانمان دەسبەسەر داگیراو بەشێکی شکێندرا پاشان ئازاد کراین”.
هەریەک لە رۆکان جاف، ئیبراهیم حەداد و یادگار جەلال بریندار بوون و ئۆژین جۆڵا و شێرزاد حەسەن هەریەکەین بۆ ماوەی 40 خولەک دەستبەسەرکراون.
پێداچوونەوە: توانا نەقی