ئەندازیار و تیمەکانی وەزارەتی کارەبا سەقاڵی کارکردنن _ وێنە:وەزارەتی کارەبا.
کارەبای 30 گوندی بناری قەندیل چاککرایەوە
964+
فەهمی نەبی
دوای ئەوەی بەهۆی بۆردمانی فڕۆکە جەنگیەکانی تورکیا 30 گوندی بناری قەندیل بێ کارەبا بوون، وەزارەتی کارەبا دەڵێت، کارەبامان بۆ ئەو گوندانە گەڕاندەوە.
ئەمڕۆ شەممە وەزارەتی کارەبا رایگەیاند، شەوی رابردوو فڕۆکە جەنگییەکانی تورکیا بۆمبارانی ناوچەکەیان کردووە و کارەبای ناوچەکەیان دووچاری زیان کردووە.
تیمێکی کارەبای سەنگەسەر 200 مەتر سیمی پەستانی بەرز و گۆڕینی پێنج فنجانی پەستانی بەرزیان چاککردوەتەوە و بەهۆیەوە کارەبا بۆ گوندەکانی ئەو ناوچەیە گەڕایەوە.