ژمارەی ئەو بەنزینخانانەی بەنزینی 750 دیناری دەفرۆشن زیادکرا

964+

هاوبەش ئەبوبەکر

لە هەولێر ژمارەی ئەو بەنزینخانانە زیادکرا، کە بەنزینی حکومیی 750 دیناری دەفرۆشن.

ئەمڕۆ هەینی 1.9.2023، بەڕێوەبەرایەتی نەوت و کانزاکانی هەولێر، لیستی ئەو بەنزینخانانەی بڵاوکردەوە کە سبەینێ شەممە، بەنزینی 750 دیناریی حکومی دەفرۆشن.

بەپێی لیستە نوێیەکە، پێنج بەنزنخانە زیاتر ئەو جۆرە سوتەمەنییەیان پێدەدرێت و ژمارەی بەنزینخانەکان کراوە بە 25 بەنزینخانە، لەکاتێکدا پێشتر ژمارەیان 20 دانە بوو.

بەگوێرەی زانیارییەکانی 964، رۆژانە پشکی هەولێر لە بەنزینی پاڵپشتیکراو لەلایەن حکومەتی هەرێمی کوردستانەوە 16 تانکەری 36 هەزار لیترییە کە دەکاتە 576 هەزار لیتر.