دیمهنێكی قهترهكه كه سهندیماى دهرمانیازانى عێراقی بڵاویكردووهتهوه..
له هه‌رێمی كوردستانیش هه‌یه
هۆشدارییه‌كی ترسناك بۆ جۆرە قەترەیەکی چاو ده‌درێت
964+
فه‌رهاد حه‌سه‌ن
سەندیکاى دەرمانسازانى عێراق، نووسراوێكی ئاراستەی سەرجەم دەرمانخانەکان كردووه و پێیان ده‌ڵێت، بەبێ رەچەتەى پزیشکی جۆره قەترەیه‌كی چاو نەدەنە هاوڵاتیان، چونکە ده‌ڵێت، هەندێک کەس وەک ماددەی هۆشبەر مامەڵەی لەگەڵدا دەکەن.
بەپێی زانیارییەکانی سەندیکاكه، قەترەی جۆرى Tropicamide، بەشێک لە بازرگانان وەک ماددەی هۆشبەر تێکەڵ بە تووتنی نێرگەلەی دەکەن، ئەوەش دەبێتە هۆى زیانگەیاندان بە گەنجان و چەندین مەترسی تەندروستیشى هەیە.
ئه‌و مه‌ترسییه ته‌ندروستیانه‌ى كه سه‌ندیكا باسی ده‌كات، بریتین له ئالودەبوون، سستبوونى گورچیلە، نەخۆشى جگەر، دابەزینى کێش و نەخۆشییەکانى دڵ.
سه‌ندیكاى ده‌رمانسازانى عێراق، هۆشداری دەداته ده‌رمانخانه‌كان كه ئه‌گه‌ر بێتو ئه‌و جۆره قه‌تره‌یه به‌بێ ره‌زامه‌ندی و ره‌چه‌ته‌ى پزیشك بفرۆشنه كڕیاره‌كانیان رووبەڕووی سزای یاسایی دەبنەوە .
به‌پێی به‌دواداچوونه‌كانى 964، له هه‌رێمی كوردستانیش ئه‌و جۆره قه‌تره‌یه هه‌یه، به‌ڵام یه‌كێك له خاوه‌ن ده‌رمانخانه‌كان به 964ـى وت “به هیچ شێوه‌یه‌ك به‌بێ ره‌زامه‌ندى پزیشك نایده‌ن به كڕیاره‌كانیان”.
وتیشی “زۆر جۆر قه‌تره و حه‌ب و ده‌رزى هه‌ن، به‌شێك له پێكهاته‌كانیان ماده‌ى هۆشبه‌رن، به‌ڵام له خۆمانه‌وه نایده‌ین به كه‌س”.
