دوو دیمهنى شانه ههنگه سووتاوهكانى سنوورى گوندى بێگه‌ڵاسی پشده‌ر... وێنه: بهرگرى شارستانى راپهڕین
ئاگره‌كه‌ى گوندى بێگه‌ڵاس 16 شانه‌هه‌نگی سووتاندووه
964+
فه‌رهاد حه‌سه‌ن
ئه‌و ئاگره‌ى له دوێنێوه گوندى بێگه‌ڵاسی سه‌ر به ناحیه‌ى هه‌ڵشۆى گرتبوه‌وه و دره‌نگانى شه‌وى رابردووش كۆنتڕۆڵ كرا، زیانى به ژماره‌یه‌ك شانه‌هه‌نگی هاوڵاتیان گه‌یاندووه.
ئاگره‌كه له ناوچه‌ى هه‌رمێنى ئه‌و گونده له سنوورى قه‌زاى پشده‌ر كه‌وتبووه‌وه و دواى نزیكه‌ى پێنج كاتژمێر له لایه‌ن بنکەی پۆلیسی دارستان و ژینگەی هەڵشۆ، بە هاوکاری بەشێک لە هاوڵاتیانی ناوچەکە، كۆنتڕۆڵ كرا.
ئه‌مڕۆ یه‌كشه‌ممه 27.8.2023، به‌شی راگه‌یاندنى بەڕێوەبەرایەتی پۆلیسی دارستان و ژینگەی راپەڕین، بڵاویكرده‌وه، لە ئه‌نجامى ئه‌و ئاگركه‌وتنه‌وه‌یه‌دا زەرەر و زیان بە نزیکەی 40 دۆنم لە رەز و باغی هاوڵاتیان گه‌یشتووه و 16 شانه‌هەنگى هاوڵاتیانیشی سووتاندووە .