درێژکردنی بەژن و باڵا قەدەغەکرا

964+

توانا نەقی

هەموو جۆرە نەشتەرگەرییەکی درێژکردنی بەژن و باڵا لە هەرێمی کوردستان قەدەغەکرا.

وەزارەتی تەندروستی هەرێم بڵاویکردەوە، لیژنەیەکی پسپۆریان پێکهێناوە بۆ دیاریکردنی رێنمایی و بەڵگە زانستییەکانی بەکارهێنانی دەزگای جێبەجێکردنی ئیلیزارۆف (ilizarov) بۆ ئەنجامدانی نەشتەرگەری ئێسک.

ئەوەش هاتووە، نابێت هیچ پزیشکێک یان نەخۆشخانەیەک ئەو نەشتەرگەرییە ئەنجامبدات، تەنیا بەمەبەستی چارەسەر کردنی کێشەیەکی تەندروستی بەڵگەداری زانستی دەبێت.

وەزارەت دەڵێت، نەشتەرگەری درێژکردنی بەژن و باڵا بۆ جوانکاری قەدەغەیە.

تائێستا رێگە پێدانی فەرمی نەدراوە بە هیچ سەنتەرێک بۆ کردنی ئەو جۆرە نەشتەرگەرییە، بۆیە پێویستە هاوڵاتیان ئاگاداربن لە مەترسییەکان و ترسناکی نەشتەرگەرییەکە، وەزارەتی تەندروستی وا دەڵێت.