لەسەر سکاڵای باوکێک لە سلێمانی
بەهۆی فرۆشتنی جگەرەی ئەلیکترۆنی بە خوار تەمەن 18 ساڵ مارکێتێک داخرا
964+
دیلان محەمەد- سلیمانی
لەسەر سکاڵای باوکی منداڵێک کە مارکێتێک جگەرەی ئەلیکترۆنی و ڤەیپی فرۆشتووە بە خوار تەمەن 18 ساڵ لیژنەکانی قایمقامیەتی سلێمانی مارکێتێکیان داخست.
سۆران غەفور، بەڕێوەبەری چاودێری بازرگانی سلێمانی بە 964ـی راگەیاند، لەسەر سکاڵای هاوڵاتیەک ئەم مارکێتە دادەخەن و بڕێکی زۆریش تەقەمەنی لە مارکێتەکەدا دەستی بەسەرداگیراوە.
وتیشی، چەندین مارکێتی دیکەیان بە هەمان هۆکار داخستووە و هاوڵاتیان هاوشێوەی ئەو باوکە دەبێت هاوکاربن لە ئاگادارکردنەوەیان لەو حاڵەتانە.
پێداچوونەوە: توانا نەقی