لە چەمچەماڵ پێنج دۆنم گەنم سووتا
964+
هۆگر عەدنان – چەمچەماڵ
بە هۆکارێکی نادیار لە گوندی گورگەیی فەتاح، پێنج دۆنم گەنمی جوتیارێک سووتا.
گوندی گورگەیی فەتاح، گوندێکی نزیکە لەدەروازەی شاری چەمچەماڵ و لە رووی ئیداریەوە سەر بە ناحیەی شۆڕشە.
دانیشتویەكی گوندەكە دەڵێت، پێدەچێت ئاگرەكە بەهۆی سووتانی زبڵ و خاشاكەوە بووبێت.
گۆران سەلیم، بەڕێوبەری بەرگری شارستانی ناحیەی شۆڕش بە 964وت، تا ئێستا نازانین هۆكاری ئاگرەكە چییە و لێكۆڵینەوەی بەردەوامە.
پێش قەیرانی دارایی یاسایەک هەبوو، هەر گەنم و جۆیەک بسووتایە، ئەنجومەنی وەزیران دوای رێکارە یاساییەکان 30% بۆی قەرەبوو دەکردەوە، بەڵام دوای قەیرانی دارایی و شەڕی داعش ئەو بریاری قەرەبووە راگیراوە، بەپێی قسەی گۆران سەلیم.
ئاگرەکە کاتژمێر چواری عەسری ئەم ئێوارەیە کەوتۆتەوە و دواتر لەلایەن خەڵکی گوندەکە و بەرگری شارستانی شۆڕش کۆنتڕوڵ کرا.
پێداچوونەوە: کوردستان ئەحمەد