دیمەنی چاوپێکەوتنی کار لە زانکۆی گەرمیان. وێنە: زانکۆی گەرمیان
لە رێگەی پرۆگرامی راهێنانی تواناکانەوە
کۆمپانیا و شوێنە تایبەتەکان خوێندکارانی زانکۆ دادەمەزرێنن
964+
توانا نەقی
لە زانکۆی گەرمیان چاوپێکەوتنی کار لە نێوان ناوەند و کۆمپانیاکانی کەرتی تایبەت لەگەڵ خوێندکاران بەڕێوەچوو.
دوێنێ پێنچشەممە 25.5.2023، چاوپێکەوتنی کار لە نێوان کۆمپانیاکانی کەرتی تایبەت و خوێندکارانی زانکۆی گەرمیان لە میانەی پرۆگرامی راهێنانی تواناکان بەڕێوەچوو.
پرۆگرامی راهێنانی توناکان، پرۆگرامێکە لەلایەن سەنتەری گەشەپێدان بۆ کاری زانکۆی گەرمیانەوە جێبەجێ دەکرێت لە ژێر سەرپەرشتی وەزارەتی خوێندنی باڵا بە هاوکاری رێکخراوی ئایرێکسی ئەمریکی.
ئەو ناوەندانە کە چاوپێکەتنەکە دەکەن و پێویستیان بە دستی کارە خۆیان لە نەخۆشخانە و خوێندگە تایبەتەکان و بەشێک لە کۆمپانیای بوارە جیاوازەکان دەبیننەوە.
ئامانج لە پرۆگرامی راهێنانەکان، راهێنانی خوێندکارانە لە پراکتیزەکردنی پسپۆرییەکانیان لە رێگەی ناوەند و کەرتە جیاوازەکانەوە.
هەر لەورێگەیەشەوە ئامانجیانە لە بازاڕی کار و ناوندە جیاوازەکاندا کاریان دەستبکەوێت و خزمەت بە کۆمەڵگا بکەن.
