دهۆك و نەفت یەكسانبوون
964+
زەید کۆچەر- دهۆک
ئەمڕۆ لە کەش و هەوایەکی سارد دا یانەی دهۆک لە نێو جەماوەر و یاریگای خۆی میوانداری یانەی نەفت ئەلوەستی کرد .
یاریەکە لە کاتژمێر 9:30 خولەک بەڕێوەچوو، گێمی یەکەمی یارییەکە یاریزانانی هەردوو یانە بە گەرم و گوڕی یاریەکەیان دەستپێکرد سەرەڕای کەش و هەوای سارد لە نێو یاریگاکە ، بەڵام ئەنجامی گێمی یەکەم 0-0 کۆتایی هات.
لە گێمی دووەمدا، یانەی نەفت ئەلوەسەت بەردەوام هێرشی ئەنجام دەدا و چەندین جار مەترسی بۆ سەر گۆڵی یانەی دهۆک دروست دەکرد.
یانەی دهۆک لە سێیەکی کۆتایی گێمی دووەم هەڵسانەوە و مەترسی لە دوای مەترسی لەسەر گۆڵی یانەی نەفت دروستکرد، بەڵام مەترسییەکان هیچ گۆڵێکی بەدوادا نەهات .
یاریەکەش لە کۆتایی دا دوای پێنج خولەکی زیادکراو بە ئەنجامی 0-0 کۆتایی هات
بەم ئەنجامەش یانەی دهۆک لە رێزبەندی شەشەم دێت لە خولی نایابی عێراق بە 36 خاڵ، لە کاتێکدا یانەی نەفت ئەلوەسەت لە رێزبەندی 16یەم دێت و خاوەنی 24 خاڵە.
پێداچونەوە: كوردستان ئەحمەد
