رێگەی پێنجوێن و
بەفرە
هاتوچۆی بارهەڵگرەکان لە رێگای پێنجوێن – سلێمانی قەدەغەکرا
964+
وریا فەتاح
بەڕێوەبەرایەتیی چاککردنەوە و پاراستنی ڕێگاوبانی پێنجوێن ئاگادارییەکی بڵاوکردەوە و رایگەیاند، بەهۆی بارینی بەفرێکی زۆر و دروستبوونی مەترسی، هاتوچۆی بارهەڵگرەکان لە رێگای (پێنجوێن – سلێمانی) راگیراوە.
رێگاوبانی پێنجوێن ئاماژەی بەوە کردووە، بڕیاری راگرتنی هاتوچۆی بارهەڵگرەکان دوای راوێژ و هەماهەنگی لەگەڵ قائیمقامی قەزاکە دراوە و تا ئەو کاتەی دۆخەکە ئاسایی دەبێتەوە، بڕیارەکە کاری پێدەکرێت.
هۆشداری بۆ شۆفێران:
لە ئێستادا رێگای (پێنجوێن – سلێمانی) لە دۆخێکی “مەترسیدار”دایە.
داوا لە شۆفێرانی ئۆتۆمبێلی ئاسایی دەکرێت، تەنیا بۆ کاری “زۆر پێویست” ئەو رێگایە بەکاربهێنن.
جەختیشکراوەتەوە کە تەواوی تیمەکانی رێگاوبانی پێنجوێن لە ئەرکدان بۆ پاککردنەوەی بەفرەکە و کردنەوەی ڕێگاکە.
