قەیرانەکە ئیشى خۆى کرد
لە تەق تەق؛ چوارەمین فێستیڤاڵی هەنجیر بەڕێوەدەچێت
964+
دەریا ئەحمەد _ تەق تەق
ئەمڕۆ، چوارەمین فێستیڤاڵی هەنجیر لەتەق تەق بەڕێوەدەچێت، بەڵام بەهۆی قەیرانی دارایی و دواکەوتنی موچەوە فرۆشیاران لە بازاڕەکە رازی نین.
ئەحمەد عوسمان کە جوتیارێکى تەقتەقە و بە هەنجیرى زەرد و رەش بەشدارى فێستیڤاڵەکەى کردووە قسەى بۆ 964 کرد و وتى،”ئەو فێستیڤاڵە زیاتر بۆ ناساندنى بەرهەمەکانمانە، بەڵام ئەمساڵ قەیرانى دارایى کارى لێکردووە و خەڵکێکى کەمتر رووى لێکردووە، کاتێکیش دەڵێین کیلۆى هەنجیر بە 1500 دینار، کابرا دەڕوات”.
بە وتەى ئەو جوتیارە، تەقتەق دەوڵەمەندە بە هەنجیر و رۆژانە “100 تۆن” هەنجیر بۆ شارەکانى عێراق و هەولێر و سلێمانى دەنێرن.
پێداچوونەوە: وریا فەتاح
