بەنزین هەرزان بوو
لە تاسلوجە
لەسەر فێڵکردن لە کوالێتى بەنزینەکەى بەنزینخانەیەک داخرا
964+
ژووری هەواڵ
بەنزینخانەیەک لە تاسڵوجە بەهۆی فرۆشتنی بەنزینی کوالیتی خراپ داخرا، قایمقامیەتی سلێمانیش دەڵێت، لەکاتی پشکنیندا فێڵی کردووە.
بەنزینخانەکە دوو جۆر بەنزینی نۆرماڵی هەبووە، خراپەکەی بە خەڵک فرۆشتووە و باشەکەشی بۆ کاتی پشکنین بەکارهێناوە.
ئەمڕۆ پێنجشەممە 8.5.2025، قایمقامیەتی سلێمانی رایگەیاند، بەنزینخانەکە داخراوە و رێگری لە فرۆشتنی بەنزینەکە کراوە.
ئەو بەنزینخانانی سەرپێچی دەکەن سەرەتا بە بڕیاری لیژنەی سوتەمەنی قایمقامیەت دادەخرێن و لە ئەگەری دووبارەکردنەوەیدا سزای پێبژاردنیان بۆ دەکرێت کە بڕەکەی لەنێوان 500 بۆ دوو ملیۆن دیناردایە.
