پۆلیس هیچ ناڵێت
تەرمى ژن و پیاوێک بە کوژراوى لە ناو ماڵەکەیاندا دۆزرانەوە
964+
وریا فەتاح
تەرمى ژن و پیاوێک بە کوژراوى لەناو ماڵەکەى خۆیاندا لە ناحیەى فایدەى سنوورى سێمێل دۆزرایەوە.
بەپێى لێدوانى سەرچاوەیەکى ئەمنى بۆ 964، بەیانى ئەمڕۆ تەرمى ئەو ژن و پیاوە لە ناو ماڵەکەى خۆیاندا دۆزراونەتەوە کە کوژراون و دەوترێت کەسێک چووەتە سەریان و کوشتوونى، بەڵام جارێ ئەوە پشتڕاستنەکراوەتەوە.
وەک باسى دەکات تەمەنیان لە نێوان 30 بۆ 38 ساڵى دەبێت و منداڵێکیان بچوکیان لە دوا جێماوە.
لاى خۆیەوە، عادل دۆسکى، بەڕێوەبەرى ناحیەى فایدییە بە 964ـى وت، رووداوەکە درەنگانێکى شەوى رابردوو روویداوەو کەسێک ئەو ژن و مێردەى کوشتووە کە خەڵکى رۆژئاوان.
“پیاوەکە دوو ساڵە لە ناحیەکە دەژیت و ئیشى دارتاشى دەکات”، بەڕێوەبەرى ناحیەى فایدە واى وت.
روونیشى کردەوە، منداڵێکى تەمەن پێنج بۆ شەش مانگیان لە دوا جێماوە و سەلامەتە.
لەبارەى دەستگیرکردنى بکوژەکەوە، عادل دۆسکى وتى،”بکوژ دەستگیرنەکراوە و لێکۆڵینەوە لە رووداوەکە و بەدواداچوون بۆ بکوژەکەى دەستى پێکردووە”.
964 زیاتر لە سێ جار پەیوەندى بە وتەبێژى پۆلیسى دهۆکەوە کرد، بەڵام وەڵامى پەیوەندییەکەى نەدایەوە
