چۆن خۆمان لە هەورەبروسکە بپارێزین

964+

ژووری هەواڵ

ژووری ئۆبەراسیۆن بۆ بەڕێوەبردنی قەیران و کارەسات لە هەولێر 11 رێنمایی بۆ خۆپاراستن لە هەورەبروسکە بڵاوکردووەتەوە و دەڵێت، لەو کاتانەدا لە نزیک ستوونەکانی کارەبا و تاوەرەکانی پەیوەندی و گەیاندن دووربکەونەوە.

هاوکات لەگەڵ پێشبینییەکان بۆ نالەباری کەشوهەوا، ئەمڕۆ شەممە 2.11.2024، ژووری ئۆبەراسیۆن بۆ بەڕێوەبردنی قەیران و کارەسات لە هەولێر رایگەیاند، داوا لە هاوڵاتیان دەکات بە مەبەستی خۆپاراستن لە هەورەبروسکە پابەندی 11 رێنمایی بن.

رێنماییەکان ئەمانەن:

– دەستبەجێ مۆبایلەکەت دابخە.
‎- ‏ ئەگەر لەژێر یان لە نزیک دارێکی درێژ بووی، خێرا لێی دوور بکەوە.
‎- ‏ لە نزیک ستوونەکانی کارەبا و تەلەفۆن و تاوەرەکانی پەیوەندی و گەیاندن دوور بکەوە.
– لە شوێی بەرز مەوەستە.
– ‏ ئەگەر لە ناوچەی کشتوکاڵی بیت ئەوا تا بکرێت دوور بکەوە لەو شوێنانەی کە داری بەرزی لێیە، هەوڵبدە بگەیتە ناوچەی دەشتایی و نزم کە درەختی باڵا نزمی لێبێت.
-‏ تا بکرێت نەچیتە شوێنە کراوەکان، ئەگەر بەناچاری لە شوێنێکی وا بوویت، دەستبەجێ لەسەر زەوی پاڵکەوە، یان لانیکەم دابنیشە و نەڕۆیت تاگێژەڵووکەکە کۆتایی دێت.
– لە کەلویەل و ئامێری ئاسنیی پەرژینەکان و هەرچی جۆرە بارستە کانزایەی کەڵەکەبوو بێت، دوور بکەوە.
‎-‏ لە کەناراوەکانی وەک رووبار و دەرباچەکان و چەم و ناوچە شێدارەکان دوور بکەوە.
– بەکارنەهێنانی ئامێرەکارەباییەکان لە دەرەوەی ماڵەوە لە کاتی نزیکبوونەوەی گێژەڵووکەی بروسک.
– خێرا ئەریەلی ئۆتۆمبیلەکەت دابەزێنە.
– ‏ئەگەر لەناو ئۆتۆمبیل بوویت، ئەوا دامەبەزە، چونکە پەیکەری ئۆتۆمبیلەکەت جۆرێک لە پارێزگاریت پێ دەبەخشێت.
‎-‏ لە هەرحاڵەتێکی نەخوازراو پەیوەندی بکە بە لایەنی پەیوەندیدار.

هەورە بروسکە 500 دۆنم دارستان و پوش و پاوانى سووتاند