ژانگ یمینگ یەکێک لە دامەزرێنەرانی تیکتۆک - وێنە: بی بی سی
بزانە داهاتی چەندەیە؟
دامەزرێنەری تیکتۆک بووە دەوڵەمەندترین کەسی چین
964+
شۆڕش قادری
کاریگەریی جیهانیی تیکتۆک و زیادبوونی بەکارهێنەرانی، یەکێک لە دامەزرێنەرانی تۆڕەکەی کردە دەوڵەمەندترین کەسی چین.
بەپێی لیستێک کە لەلایەن پەیمانگای توێژینەوی هۆرون بڵاوکراوەتەوە، داهاتی ژانگ یمینگ یەکێک لە دامەزرێنەرانی تۆڕی کۆمەڵایەتی تیکتۆک لە ئێستادا 49.3 ملیار دۆلارە و بەراورد بە ساڵی 2023، 43٪ زیادی کردووە.
یمینگی تەمەن 41 ساڵ، ساڵی 2021 دەستلەکارکێشانەوەی لە کۆمپانیای بایتدەنس خاوەنی تۆڕی کۆمەڵایەتی تیکتۆک راگەیاند، بەڵام دەوترێت کە هێشتا 20٪ـی پشکی کۆمپانیاکە هی ئەوە.
روپێرت هوگیوێرف بەڕێوەبەری پەیمانگای توێژینەوی هۆرون رایگەیاند، لە 26 ساڵی رابردوودا، ژانگ یمینگ 18ـیەمین کەسە کە دەبێتە دەوڵەمەندترین کەسی چین.
سەرەڕای نیگەرانی بەشێک لە وڵاتان سەبارەت بە پەیوەندی کۆمپانیای بایتدەنس لەگەڵ حکومەتی چین، بەڵام هێشتا تیکتۆک یەکێکە لە دەوڵەمەندترین تۆڕە کۆمەڵایەتییەکان لە سەرتاسەری جیهان و بەتایبەتیش لەنێو توێژی گەنجاندا زۆرترین لایەنگری هەیە.
تیکتۆک دەوڵەمەنترین ئەپڵیکەیشنە و یوتوب لە دواوەیەتى
