دیمهنێكی سكێچه سێ ره‌هه‌ندییه‌كه‌ى پڕۆژه‌كه كه ئهمڕۆ له‌لایه‌ن پارێزگارى هه‌ولێره‌وه بهسهركرایهوه... وێنه: سۆشیاڵ میدیاى پارێزگارى هه‌ولێر
سكێچێكی سێ ره‌هه‌ندى پڕۆژه‌كه‌ش دروستكراوه
مێژووى زیاتر له 2500 ساڵ له‌مه‌وبه‌رى هه‌ولێر ده‌كرێته كتێب
964+
فه‌رهاد حه‌سه‌ن
له هه‌ولێر زیاتر له ساڵێكه ژماره‌یه‌ك مامۆستاى زانكۆ و ئه‌ندازیار و ئه‌كادیمى سه‌رقاڵى پڕۆژه‌یه‌كن بۆ نووسینه‌وه‌ى مێژووى هه‌ولێر و دروستكردنى شێوه‌ى ئه‌م مێژووه له‌رێگه‌ى سكێچێكی بیناسازییه‌وه، مامۆستایه‌كی زانكۆش ده‌ڵێت، تاوەکو چوار مانگى دیكه كتێبه‌كه ته‌واو ده‌بێت.
پڕۆژه‌كه، بۆ زیاتر ئاشناكردنى كه‌سانى بیانییه بۆ مێژووى هه‌ولێر له‌رێگه‌ى نووسین و شێوه‌ى بیناسازییه‌وه و له‌لایه‌ن پارێزگای هه‌ولێره‌وه پاڵپشتی ده‌كرێت.
دكتۆر شوان خۆشناو، مامۆستا له به‌شی مێژووى كۆلێژی ئادابی زانكۆی سه‌ڵاحه‌ددین به 964ـى وت، شێوه‌ى بیناسازی پڕۆژه‌كه وه‌كو سكێچێك به‌شێوه‌ى سێ ره‌هه‌ندی ئاماده‌كراوه.
وتیشی “سكێچى پڕۆژه‌كه، له‌لایه‌ن مامۆستایانی زانكۆی سه‌ڵاحه‌ددین له به‌شه‌كانی مێژوو، شوێنه‌وار و ئه‌ندازیاری ئاماده‌كراوه و باس له مێژووی نزیكه‌ی 2500 ساڵ له‌مه‌وبه‌ری شاری هه‌ولێر و قه‌ڵاكه‌ی ده‌كات”.
ئاماژه‌ى به‌وه‌شكرد، پڕۆژه‌كه بریتییه له نووسینەوەی كتێبێكی دیكیۆمێنتكاری له باره‌ی مێژووی شارێكی زیندووی وه‌ك هه‌ولێر و گرنگترین بەڵگەنامە مێژووییه‌كان له خۆ ده‌گرێت و ده‌بێته سەرچاوەی سەرەکی تۆماركردن و ناساندنی ئه‌و مێژووه ده‌وڵه‌مه‌نده‌ی كه ئه‌و شاره هه‌یه‌تی”.
“ده‌مانه‌وێت له پڕۆژه‌كه ئه‌وه بسه‌لمێنین كه هه‌ولێر و قه‌ڵاكه‌ى له ره‌سه‌نایه‌تى مێژوودا كوردین” دكتۆر شوان واى وت.
روونیشیكرده‌وه، ته‌واوى ئه‌و ستافه‌ى كار له‌و پڕۆژه‌یه ده‌كه‌ن هه‌موویان كه‌سانى ئه‌كادیمیی و پسپۆڕى كوردن، وتیشی “پێشبینى ده‌كرێت له‌ماوه‌ى چوار مانگى داهاتوودا كتێبه‌كه ته‌واوبكرێت و سكێچه سێ ره‌هه‌ندییه‌كه‌ى پڕۆژه‌كه‌ش له شوێنێكی تایبه‌ت ده‌پارێزرێت بۆئه‌وه‌ى خه‌ڵكانى بیانى له‌كاتى سه‌ردانیكردنیاندا له نزیكه‌وه بیبینن”.
پارێزگاى هه‌ولێر
زۆربه‌ى به‌رهه‌مه‌كه له پاركه‌كه ده‌چێندرێت
نه‌مامگه‌كه‌ى پاركی سامی عەبدولرەحمان 110 گوڵ و نه‌مامى به‌رهه‌مهێناوه
زۆرى زه‌وییه كشتوكاڵییه‌كان كێشه‌یان دروستكردووه
عێراق وێستگه‌یه‌كی گه‌وره‌ى كاره‌با له مه‌خمور داده‌مه‌زرێنێت
بوون به 212 ده‌رچوو
فەرمانگەی ژینگەی هەولێر ژماره‌یه‌ك دەرچووی دیكه‌ى ژینگەیی دامەزراند
كێشه‌ى كه‌مى ده‌رمانیشی هه‌یه