ئاماری ساڵێکە
لە دوزخورماتوو 52 هاوڵاتی بە رووداوی هاتوچۆ مردوون
964+
سیروان خورشید – دوزخورماتوو
لەمساڵدا زۆرترین رووداوی هاتوچۆ لەسەر رێگای کەرکوک بۆ بەغدا و لە سنوری دوزخورماتوو روویانداوە، کە بەهۆیەوە 52 کەس گیانیان لەدەستداوە.
رووداوەکان بە دیاریکراوی لەسەر رێگای دوزخورماتوو بۆ داقوق و ناوەندی قەزاکە روویانداوە.
بە وتەی عەقید موئەیەد عەباس بەڕێوەبەری هاتوچۆی دوزخورماتوو بێت، کە بۆ 964ی قسەی کردووە، بەراورد بە ساڵی 2022 رووداوەکانی هاتوچۆ لە سنوورەکە %40 زیادیکردووە.
لە دوزخورماتوو دەستگیرا بەسەر 41 تۆن دەرمانی بێ مۆڵەت
بە گوێرەی ئامارەکان، لە 1.1.2023 تاوەکو 24.12.2023، لە سنووری دوزخورماتوو 78 رووداوی هاتوچۆ روویانداوە، بەهۆیەوە 52 هاوڵاتی گیانیان لە دەستداوە و زیاتر لە 100 کەسیش بریندار بوون.
کۆی ئەو سەرپێچیانەی، لە ناوەندی قەزاکە و سنوورەکەدا تۆمارکراون، 12 هەزار و 781 سەرپێچین، کە بەشێک لە سەرپێچییەکان لەلایەن ماتۆڕسوارەکانەوە ئەنجامدراون.
پێداچوونەوە: ئەحمەد مستەفا