هۆڵێکی دیکەش دەکرێتەوە
دوای 64 ساڵ نەشتەرگەری چاو لە خانەقین ئەنجامدرا
964+
راژان باجەڵان – خانەقین
لەوەتەی هەیە خانەقین نەشتەرگەری چاوی بەخۆیەوە نەبینیووە، دوای 64 ساڵ ئێستا بۆ یەکەمجار لە نەخۆشخانەی گشتی خانەقین ئەو نەشتەرگەرییە ئەنجامدەدرێت.
دکتۆر شوان شاکر بەڕێوەبەری نەخۆشخانەی گشتی خانەقین بە 964ـی وت، ئەمڕۆ بۆ یەکەم جار لە مێژووی قەزای خانەقین نەشتەرگەری چاو ئەنجامدرا، ئەوەش دوای ئەوە دێت هۆڵی تاقیگەی نموونەیی و ژمارەیەک پرۆژەی تری تەندروستی دروستکراون.
وتیشی، ئەمڕۆ دووشەممە، دوو نەشتەرگەری ئەنجامدراوە و یەکێکیان بۆ ژنێکی 54 ساڵ کراوە کە ئاوی سپی لە چاویدا هەبووە و بەسەرکەوتویی تەواو بووە.
هۆڵ و کەرەستە و پێداویستییەکان لە نەخۆشخانەی گشتی خانەقین ئێستا بەردەستن بەشێوەیەک کە توانای کردنی 300 نەشتەرگەری هەیە بە هەموو پێداویستییەکانیەوە، شوان شاکر وای وت.
نەخۆشخانەی خانەقین سەر بە حکومەتی عێراقە و لە ساڵی 1959 دامەزراوە و تاکو ئێستا بە تەواوی سەرجەم پسپۆڕەکانی تیادا نییە.
پێداچوونەوە: توانا نەقی
