کامێراکانی 120 مەتری هەولێر ئەمشەو سزا تۆمار دەکەن

964+

توانا نەقی

دوای ئەوەی ماوەی حەفتەیەک کامێراکانی چاودێری خاڵ بۆ خاڵ لە شەقامی 120 مەتری هەولێر بە شێوەی ئەزموونی خرانەکار، لە کاتژمێر 12ی ئەمشەوەوە  سزاکان تۆمار دەکەن و بەتەواوەتی کاردەکەن.

پێشتر هاتوچۆی هەولێر بڵاویکردەوە، رێکەوتی 15.10.2023 تا کاتژمێر 12ـی 21.10.2023 شەو سەرجەم کامێراکانی چاودێری بە درێژایی شەقامەکە بە شێوەی تاقیکردنەوە دەخرێنەکار.

فازڵ حاجی وتەبێژی هاتوچۆی هەولێر بە 964ـی وت، یەک هەفتە بە شێوەی ئەزموونی کاردەکات و لەم شەو کاتژمێر 12:00 واتە لە 22.10.2023ـەوە سزاکان تۆمار دەکات و سزای سەرپێچیکار دەدرێت.

شەقامی 120 مەتری هەولێر یەکێکە لە شەقامە خێراکان و ئەو پەڕی خێرایی تێیدا 110 کیلۆمەترە لە کاتژمێرێکدا.

تەواوی شەقامی 120مەتری هەولێر کرا بە پۆینت تو پۆینت