سەردانیکردن بۆ نەخۆشخانەی سووتاوی سلێمانی کەمیکردووە

964+

پێشەوا محەمەد

بە پێی ئامارێک کە تەندروستی سلێمانی بڵاوی کردووەتەوە، لە مانگی نۆدا هەزار و 554 کەس سەردانی نەخۆشخانەی سووتاوی سلێمانییان کردووە، بەڵام مانگی هەشت سەردانکەران نزیکەی 2000 بوون.

هەر بە پێی ئامارەکە، ئەم مانگە 84 نەشتەرگەری لە نەخۆشخانەکەدا کراون، بەڵام مانگی رابردوو 197 نەشتەرگەری ئەنجام دراون.

تەندروستی سلێمانی ئەمڕۆ شەممە 7.10.2023 لە راگەیەندراوێکدا دەڵێت، لەو ژمارەیە 213 كەس سەردانی بەشی فریاكەوتن و 985 كەس سەردانی بەشی راوێژكاری نەخۆشخانەكە و 356 كەس سەردانی بەشی چارەسەری سروشتییان كردوە.

لەماوەی مانگی رابردوودا لە نەخۆشخانەکە سێ نەشتەرگەری سەروو گەورە و 76 نەشتەگەری گەورە و پێنج نەشتەرگەری ناوەند و بچووك ئەنجام دراوە، هەروەها 92 كەس داخڵ كراون و 24 كەسیان لە بەشی سووتاوی و 68 یان لەبەشی جوانكاری بووە.

تەندروستی سلێمانی؛ ئەو ژن و مێردەی بەھۆی تەقینی غازەوە سووتان دۆخی تەندروستییان جێگیرە