پڕۆگرامی نوێ بۆ بنکەکانی لەبەرکردنی قورئان دادەندرێت

964+

پێشەوا محەمەد

وەزارەتی ئەوقافی هەرێم کۆنفرانسێک بۆ دانانی پڕۆگرامی نوێ بۆ بنکەکانی لەبەرکردنی قورئان و قوتابخانە ئایینییەکان دەبەستێت.

وابڕیارە کۆنفرانسەکە لەمساڵدا ببەسترێت و ئێستا لیژنەیەک سەرقاڵی ئامادەکارییە بۆی.

پڕۆگرامێکی نوێ “بەپێی سەردەمی نوێ و بنەما شەرعییەکان” ئامادە دەکرێت.

نەبەز ئیسماعیل، وتەبێژی وەزارەتی ئەوقاف و کاروباری ئایینی حکومەتی هەرێم بە 964ـی وت، “دوای دانانی پڕۆگرامەکە لە خوێندنی نوێی ساڵی داهاتوودا پڕۆگرامەکە دەخوێندرێت”.

دەشڵێت، پڕۆگرامەکان لەسەر بنەمای زانستە شەرعییەکان و گیانی تەبایی و هەستی نیشتیمانپەروەری دادەڕێژرێن.