سەرەگرتنی ژمارەیەک هاوڵاتی لەبەردەم بانکەکە لە هەولێر لە سەرەتای فرۆشتنی دۆلاردا بە گەشتیار - وێنە: 964
ئاڕ تی بانک لە هەولێر دەست بە فرۆشتنەوەی دۆلار دەکاتەوە
964+
پێشەوا محەمەد
لقی هەولێری ئاڕ تی بانک دۆلار بە نرخی بانکی ناوەندی دەدات بە گەشتیار و چەند رۆژێکە خزمەتگوزارییەکە بەردەستە، ئەوەش دوای وەستانی بۆ ماوەیەکی کاتی.
نرخی 100 دۆلار لە بانکەکە بە 132 هەزار دینارە و گەشتیار دوای پێشکەشکردنی بەڵگەکانی گەشتەکەی دەتوانێت تا سێ هەزار دۆلار رابکێشێت.
ئومێد قەرەداغی، پسپۆڕی ئابووری مامۆستای زانکۆی سلێمانی بە 964ـی راگەیاند، ئەو هەوڵەی پیشتر لە فڕۆکەخانەکانی هەولێر و سلێمانی هەبوو سەرکەوتوو نەبوو، بۆیە لەو بانکەوە باشتر بەڕێوە دەچێت و کۆنتڕۆڵ دەکرێت.
وتیشی، “رۆژانە هاوڵاتیانێکی کەم دەتوانن لێی سوودمەند بن چونکە زۆر قەرەباڵغە و گەشتیارێکی زۆر رووی تێدەکەن”.
ئاڕ تی بانک لە هەرێمی کوردستان تەنیا لقی لە شاری هەولێر هەیە.
ئاڕ تی بانک، دەکەوێتە شەقامی 40 مەتری شاری هەولێر، نزیک بینای سەرۆکایەتی هەرێم.