ئۆتۆمبێلێک کەوتە ناو چاڵی پڕۆژەیەکی نیشتەجێبوون
964+
رێژوان مامە قادر – سلێمانی
کەمێک بەر لە ئێستا ئۆتۆمبێلێکی جۆری بی ئێم دەبلیو لە گەڕەکی قولەرەیسی شاری سلێمانی دەکەوێتە چاڵێکی تەنیشت شەقامەکە، کە پڕۆژەیەکی نیشتجێبوون هەڵیکەندووە.
شۆفێرەکە ناوی رێبوارە و تەمەنی 23 ساڵە و بە سووکی بریندار بووە.
محەمەد عیرفان، ئامۆزای شۆفێرەکە لە شوێنی رووداوەکە بە 964ی راگەیاند، ئەم چاڵە کە پڕۆژەکە لێرە هەڵیکەندووە هیچ نیشانەیەکی ئاگادارکردنەوەی بۆ دانەناوە و شۆفێران بەو جۆرە دەکەونە ناویەوە.
وتیشی “بەرمیل و لایلۆنیان داناوە بۆ ئاگادارکردنەوەی شۆفێران, لەکاتیكدا پڕۆژەیەکی ئاوا دەبوو نیشانەی فەرمی ئاگادارکردنەوەی هاتوچۆی لەسەر ئەو چاڵە دابنایە”.
ئاماژەی بەوەشدا دوای ئەو رووداوە ئێستا پڕۆژەکە کارمەندێکیانی ناردووەتە سەر ئەو شەقامە و شۆفێران لە چاڵەکە ئاگادار دەکاتەوە.
شاری خەونەکان، رووبەرەکەی دوو کیلۆمەتر چوارگۆشەیە کە دەکاتە یەک ملیۆن مەتر چوارگۆشەیە
پێداچوونەوە: فەرمان سادق