کێشەی کارەبای هۆڵەکانی تاقیکردنەوەی کۆیە چارەسەر کرا

964+

پێشەوا محەمەد

قایمقامیەتی کۆیە بە هاوکاری مۆلیدە ئەهلییەکان کێشەی بڕانی کارەبای لە هۆڵەکانی تاقیکردنەوەدا چارسەر کردووە.

لە کاتی تاقیکردنەوەکانی خولی دووەمی قۆناغی 12ـی بنەڕەتیدا، بەشێک لە قوتابیانی کۆیە گلەییان هەبوو کە کارەبایان لێدەبڕێت و لە هۆڵەکان گەرمایان دەبێت.

تارق حەیدەری، قایمقامی قەزای کۆیە بە 964ـی راگەیاند، بە هاوکاری مۆلیدە ئەهلییەکان کێشەکەمان چارەسەر کردووە و هەر کارەبای نیشتمانی ببڕێت مۆلیدەکان کارەبا بە هۆڵەکان دەدەن.

وتیشی، “مۆلیدەکان لەسەر ئەرکی خۆیان کارەبا بۆ هۆڵەکانی تاقیکردنەوە دابین دەکەن”.