لەلایەن تیمەکانی ئەندازەی هاتوچۆی هەولێر، کاری هێلکاریی شەقامەکان دەکرێت. فۆتۆ: سۆشیال میدیا
ئاگاتان لێبێت ئه‌مشه‌و رێگه‌ی هه‌ولێر – خه‌بات داده‌خرێت
+964
ئه‌رسه‌لان عه‌بدوڵا
به‌ڕێوه‌به‌رایه‌تیی هاتوچۆی هه‌ولێر ئاگاداری هاوڵاتیان و شۆفێران ده‌كات، ئه‌مشه‌و تا به‌ره‌به‌یانیی سبه‌ی، رێگه‌ی هه‌ولێر بۆ قه‌زای خه‌بات داده‌خرێت.
به‌ڕێوه‌به‌رایه‌تیی هاتوچۆی هه‌ولێر بڵاویكرده‌وه، سەرجەم هاوڵاتیان و شوفێران ئاگاداردەکەنەوە، کە لە کاتژمێر 12ی ئەمشەو تا کاتژمێر6ی بەرەبەیانی رۆژی 2023/8/2، تیمەکانی ئەندازەی هاتوچۆی هەولێر کاری هێلکاریی شەقام بۆ رێگه‌ی هەولێر – خەبات لە شەقامی 60 مەترییەوە تا شەقامی 100 مەتری ئه‌نجام ده‌ده‌ن.
هه‌روه‌ها ده‌ڵێن، “لە کاتی کارکردن بە ناچاری هەندێک رێڕەو بە شێوەی کاتی دادەخەین، بۆیه هاوکاری تیمەکانمان بن و لەگەڵ بینینی هێمای ئاگادارکردنەوەی شوێنی کار، خێراییەکانتان کەم بکەنەوە، بەو رێڕەوانەشدا بڕۆن، کە بە فسفۆر دییاریان دەکەین”.
به‌ڕێوه‌به‌رایه‌تی هاتوچۆی هه‌ولێر، له ماوه‌ی رابردووشدا له كاتی شه‌ودا چه‌ند شه‌قامێكی ناوشاری هه‌ولێریان هێڵكاری كرد.