کارمەندێکی دەرمانخانە لە کاتی رێکخستنی دەرماندا - وێنە: سۆشیال میدیا
سەندیکای دەرمانسازان: نرخی دەرمان دەخرێتە سەر ستیکەر
964+
پێشەوا محەمەد
وەزارەتی تەندروستی بە هاوکاری سەندیکای دەرمانسازان سەرقاڵی دیاریکردنی نرخی دەرمانە لەسەر ستیکەر.
ئەو ستیکەرە بۆ جیاکردنەوەی دەرمانی رێگەپێدراو بە دەرمانی نایاسایی لە لایەن کوالێتی کۆنتڕۆڵی دەرمانی هەرێمەوە بەکاردێت و لەمەودوا نرخیشی دەخرێتەسەر.
وەزارەتی تەندروستی زیاتر لە 15 هەزار جۆر دەرمانی تۆمار کردووە.
“پێشتر بەشێک لە کۆگا و دەرمانخانەکان یاریان بە نرخ کردووە و لە بەرژەوەندی خۆیان بەرزیان کردووەتەوە”، ئەوە قسەی پەرست نەقشبەندی، ئەندامی لقی سلێمانی سەندیکای دەرمانسازانی کوردستانە بۆ 964.
وتیشی، “دەرمانە تۆمارکراوەکان زۆرن و بەشێکی زۆری ئێستا ئامادەیە و دوای تەواوکردنی نرخەکەی دەخرێتە سەر ستیکەر و کۆنتڕۆڵی نرخی دەرمان دەکرێت”.