باڵەخانەی وەزارەتی خوێندنی باڵا و توێژینەوەی زانستی
بەس مەرجی هەیە
ئەگەر كۆلێژەكەت بەدڵ نییە بیگۆڕە
964+
پێشەوا محەمەد
پڕۆسەی گواستنەوە و دابەزاندنی کۆلێژ یان پەیمانگاکان بۆ خوێندکارانی خوێندنی باڵا بەشێوەی ئۆنلاین بەردەستە ماوەی زیاتر لە مانگێک بەردەوام دەبێت.
وەزارەتی خوێندنی باڵا و توێژینەوەی زانستی حکومەتی هەرێم بڵاوی کردووەتەوە، ئەو پڕۆسەیەی لە 22.7.2023 تا 31.7.2023 بەردەست دەبێت.
پڕۆسەکە ئۆنلاین دەبێت و لە رێگەی پڕکردنەوەی فۆڕمەوە ئەنجام دەدرێت و خوێندکار دەتوانێت بە ئۆنلاین پرسیار بکات و لە لایەن تۆمارگای هەر زانکۆیەک بیەوێت وەڵام دەدرێتەوە.
عەباس ئەکرەم، وتەبێژی وەزارەتی خوێندنی باڵا و توێژینەوەی زانستی بە 964ـی وت، “ساڵانە وەزارەتی خوێندنی باڵا ئەو خزمەتگوزارییە دەخاتە بەردەم خوێندکاران تا ئەگەر لەو کۆلێژ و بەشانە رازی نەبوون کە لێی وەرگیراون لەو دەرفەتەوە بچنە ئەو بەشانەی خۆیان حەزی پێدەکەن بە پێی مەرج و رێنماییەکان”.
بە پێی رێنماییەکانی وەزارەتەکە، خوێندکاران دەتوانن لە کۆلێژى کۆنمرە بەرزەکان بۆ کۆلێژى کۆنمرە نزمەکان، گواستنەوە لە نێوان زانکۆ و پەیمانگاکانى هەرێم، گواستنەوەى خوێندکارانى دەرەوەى وڵات بۆ زانکۆ و پەیمانگەکانى هەرێم، باشوور و ناوەڕاستى عێراق، هەروەها دابەزینى ئاسایی خوێندکاران، دابەزینى خوێندن بە شێوەى سیستمى خوێندنى پارالێل ئەنجام بدەن.