کۆبۆنی بەنزین لە خانەقین تازە دەکرێتەوە 

+964

راژان باجەڵان – خانەقین

ئەمڕۆ یەکشەممە لە قەزای خانەقین و ناحیەکانی، دەست بە نوێکردنەوەی کۆبۆنی بەنزین کرا.

بەڕێوەبەری سامانە سروشتییەکانی خانەقین  ئەندازیار سەرمەد خەلیل، بە 964ی وت، پرۆسەی نوێکردنەوەی کۆبۆنی بەنزین لە خانەقین و ناحیەکانی (جەلەولا، سەعدییە و قەرەتەپە) دەستی پێکرد و بۆ ماوەی چوار هەفتە بەردەوام دەبێت، رۆژانی یەکشەممە و دووشەممە بۆ بارهەڵگر و ئۆتۆمبێلی کرێ دەبێت و سێ رۆژەکەی دیکە بۆ ئۆتۆمبێلی تایبەت دەبێت.

پرۆسەکە بە ریزبەندی پیتەکان بەڕێوەدەچێت، هەر هەفتەیەک لەسەر ریزبەندی پیتەکان حەوت پیت بەڕێدەکرێت.

ئەم پرۆسەیە ساڵانە دەکرێت و هەر ساڵێک 36 کۆبۆن بە خاوەن ئۆتۆمبێلەکە دەدرێت و هەفتانە بڕی 50 لیتر بەنزینی دەدرێتێ.

بەنزینخانەکانی قەزای خانەقین تەنیا بە کۆبۆن بەنزین دەدەن بە شۆفێران و بەو نرخەی حکومەتی عێراق دیاریکردووە، کە 450 دینار بۆ نۆرماڵ و 650 دینار بۆ محەسەنە.

پێداچوونەوە: ئەحمەد عەبدوڵا