مۆلیدەیەکی ئەهلی. وێنە: 964
مۆلیدە ئەهلییەکانی کەرکوک لیتری گازوایل بە 250 دینار وەردەگرن
964+
هاوبەش ئەبوبەکر
ئەمڕۆ یه‌كشه‌ممه، به‌شه گازوایلی مۆلیده ئه‌هلییه‌كان به نرخی پاڵپشتیكراو لە کەرکوک دابه‌ش ده‌كرێت و بۆ هەر لیترێک گازوایل بڕی زیاتر لە 150 دینار داشکاندنیان بۆ دەکرێت.
ئەمڕۆ یەکشەممە 16.7.2023، محەمەد خەلیل، بەرپرسی کاتیی دەستەی مۆلیدە ئەهلییەکانی کەرکوک بە 964ـی راگەیاند، وزاره‌تی نه‌وتی عێراق ئەمڕۆ دابه‌شكردنی گازوایلی مۆلیده ئه‌هلییه‌كان بە نرخی پاڵپشتیکراو ده‌ستپێده‌كات و بڕی 250 دینار بۆ هه‌ر لیترێك دیاریکراوە.
بڕی گازوایلەکە 45 لیترە بۆ هەر کەیڤیەک، کە مۆلیدەکان بۆ هاوڵاتیان دابینی دەکەن .
ئەم بڕیارەی وەزارەتی نەوتی عێراق بۆ ئەوەیە، خاوەن مۆلیدەکان نرخی ئەمپێری کارەبا لەسەر هاوڵاتیان گران نەکەن.