ئەمڕۆ نرخی مریشك لە بازاڕدا بە چەندە؟

+964
كوردستان ئەحمەد

ئەمڕۆ نرخی یەك كیلۆ مریشكی زیندوو لە بازاڕەكانی كوردستان لە نێوان 2250 دینار بۆ 2750 دینارە.

 ئەم نرخە لە بازاڕەكانی هەولێر لە نێوان 2500 بۆ2750 دینارە، کە پەیامنێر 964 پرسیاری بۆ کردووە.

رێژوان مامە، پەیامنێری 964 لە ناو بازاڕی سلێمانی پرسیاری لە چەند دوكاندارێك كردووە دەڵێن، ئەمڕۆ نرخی یەك كیلۆ مریشكی زیندوو بە 2500 دینارە و لە ماوەی هەفتەی رابردووشدا نرخەكە هەر بەوشێوەیە بووە.

لە بازاڕی مریشكی زیندوودا لە سلێمانی، قاچی مریشك، باڵ، سەر، سنگ و ران بە جیا دەفرۆشرێن، كیلۆیەك ملی مریشكی زیندووش بە 1500 دینارە.

نرخی یەك كیلۆ ملی مریشك لە سلێمانی بە 1500 دینارە

زەید كۆچەر پەیامنێری964 لە بازاڕی دهۆك پرسیویەتی، نرخی یەك كیلۆ مریشك بە 2500 دینارە،بەڵام ئەگەر مریشكەكە گەورەبێت كێشەكەی نزیكەی سێ كیلۆبێت نرخەكەی جیاوازە و دەگاتە هەزار و 950 دینار، بەڵام ئەگەر كێشەكەی لە نێوان سێ كیلۆدابێت، نرخەكەی بە دوو هەزار دینارە.

لە دەڤەری راپەڕینیش نرخی یەك كیلۆ مریشك بە 2750 دینارە و لە ماوەی 10 رۆژی رابردووشدا نرخەكە بەو شێوەیە بووە، ژێوار خدر پەیامنێری 964 لە چەند دوكاندارێكی پرسیوە لە رانیە.

لە رانیە مریشكی سپی خواستی زۆرتر لەسەرە لە مریشكی سوور

لە پارێزگای هەڵەبجەشدا بە پێی بەدواداچوونێكی پەیامنێری 964 نرخی كیلۆیەك مریشك بە دوو هەزار و 450 دینارە و نرخەكە لە هەفتەی پێشووەوە هەر بەو شێوەیە بووە.

لە هەڵەبجە زیاتر خواست لەسەر سینگی مریشكە

لە كەلار نرخی یەك كیلۆ مریشك لە نێوان 2250 دینار بۆ 2500 دینارە، ئەم نرخە لە دوكانێكەوە بۆ دوكانێكی دیكە دەگۆڕێت و زیاد و كەم دەكات.