لە سایلۆی سلێمانی زۆرترین رێژەی گەنم وەرگیراوە
964+
فەهمی نەبی
وەزارەتی بازرگانی دەڵێت، پرۆسەی وەرگرتنی گەنم لە سایلۆکان بەردەوامە و تا ئێستا پارێزگای سلێمانی زۆرترین رێژەی هەبووە بەجۆرێک لەو ماوەیە زیاتر لە 217 هەزار تۆن گەنمی وەرگرتووە.
ئەمڕۆ هەینی وەزارەتی بازرگانی حکومەتی هەرێم رایگەیاندووە تا ئێستا لە هەر سێ پارێزگاکەی هەرێم 445 هەزار و 680 تۆن و 240 کیلۆ گەنم وەرگیراوە.
لە سایلۆی پارێزگای هەولێر، بڕی 114 هەزار و 702 تۆن و 380 کیلۆ گەنم وەرگیراوە.
لە سایلۆی پارێزگای دهۆک، بڕی 113 هەزار و 356 تۆن و 260 کیلۆ گەنم وەرگیراوە.
لە سایلۆی پارێزگای سلێمانی، 217 هەزار و 621 تۆن و 600 کیلۆ گەنم لە جوتیاران وەرگیراوە.
بە کۆی ئەو ژمارانەی وەزارەتی بازرگانی بڵاویکردووەتەوە، تا ئێستا 445 هەزار و 680 تۆن و 240 کیلۆ گەنم وەرگیراوە.
ئەمساڵ بۆ وەرگرتنی هەر تۆنێک گەنم، 850 هەزار دینار دیاریکراوە.