حەوت پرۆژەی کارەبا لە کۆیە و دۆڵی سماقوڵی جێبەجێدەکرێن

964+

هاوبەش ئەبوبەکر

حەوت پرۆژەی کارەبا لە کۆیە دۆڵی سماقوڵی جێبەجێدەکرێن و وەزارەتی کارەبا رەزامەندی لەسەریانداوە.

ئەمڕۆ پێنجشەممە 6.7.2023، تاریق حەیدەری قایمقامی کۆیە بە 964ی راگەیاند، بۆ ئەو مەبەستە ئەمڕۆ چاوی بە وەزیری کارەبا کەوتووە.

پرۆژەکانە ئەمانەن:

– چارەسەرکردنی کێشەی ڤۆڵتیەی دۆڵی سماقۆڵی بە بڕی 122 ملیۆن دینار

– راکێشانی فیدەرێکی کارەبا بە بڕی 495 ملیۆن دینار

– راکێشانی کارەبا بە بڕی 181 ملیۆن دینار بۆ دابینکردنی کارەبای بەردەوام بۆ پڕۆژەی ئاوی خواردنەوەی ناحیەی ئاشتی

– دامەزراندنی بنکەیەکی کارەبا بۆ سکتان

– راکێشانی کارەبا بۆ سەنتەری خانەنشینی کۆیە

– دابینکردنی کەرەستە و کەلوپەلی کارەبایی بۆ کارەبای کۆیە

– جێبەجێکردنی پرۆژەیەک بۆ رووناککردنەوەی سەنتەری کۆیە