هونەرمەند جان تۆماس. وێنە: ئەکاونتی هونەرمەند
هونه‌رمه‌ندی موزیكژه‌ن جان تۆماس گیانی لەدەستدا
964+
فەرمان سادق
ئەمڕۆ پێنجشەممە 6.7.2023، هونه‌رمه‌ند جان تۆماس لە تەمەنی 76 ساڵیدا بەهۆی نەخۆشییەوە گیانی لەدەستدا.
جان تۆماس، ساڵی 1947 لە کۆیە لە دایکبووە، یەکێک بوو لە هونەرمەندە موزیکژەنە ناودارەکانی کوردستان و لەگەڵ چەندین تیپی میوزیکی لە ناوچە جیاوازەکانی کوردستان کاریکردووە.
وابڕیارە کەمێکی تر تەرمەکەی لە رێوڕەسمێک لە کەنیسەی ماریۆ حەننا، تەرمەکەی لە گۆڕستانی عەنکاوە بە خاک بسپێردرێت.
جان تۆماس، سەرەتای هەشتاکانی سەدەی رابردوو وەک کەمانجەژەنێکی بەرچاو لەگەڵ تیپی باواجی کۆیە و تیپی هونەری هەولێر کاری کردووە و ناوبانگی دەرکردووە، لە ماوەی تەمەنی کارکردنیشیدا لەگەڵ تیپی مۆسیقای سلێمانی و تیپی خانزاد و تیپی باكووری رۆژئاوایی کاری کردووە.
جان تۆماس لە 1947 لە شاری کۆیە لە دایکبووە و دەسپێکی کارە هونەرییەکانی لەگەڵ تیپی باواجی کۆیە بووە، وەک یەکێک لە هونەرمەندە بەرچاوەکانی بواری موزیک دەرکەوتووە و نزیکە نیو سەدە لە خزمەت هونەری موزیکدا بووە و لە ژیانی هونەری خۆیدا چەندین ئاوازی بۆ هونەرمەندان داناوە لەوانەش تاهیر تۆفیق و باکووری و فوئاد ئەحمەد و چەند هونەرمەندێکی دیکە، جگە لە دامەزراندنی چەند گرووپێکی موزیکی و ناوەندی فێرکردنی کەمانجە ژەنین و دانانی ئاواز و گونجاندن لەگەڵ تێکست بۆ گۆرانی نوێ.