“کا” هەرزان بووە و کەسیش نایکڕێت

964+

پێشەوا محەمەد

نرخی کا بە رێژەیەکی بەرچاو دابەزیوە، دوو فەردە بووە بە سێ بۆ 3500 دینار، لە کاتێکدا ساڵی رابردوو گەیشتبووە نۆ هەزار دینار.

بارانی زۆری ئەمساڵ هۆکاری زۆربوونی پووش و کا بووە و ئەوەش وایکردووە نرخەکەی بەو شێوەیە داببەزێت.

بە وتەی فرۆشیارانی کا، خاوەن ئاژەڵەکان خۆیان کای چاکیان هەبووە و پێویستیان بەوە نەبووە بیکڕن.

ئیسماعیل قادر، فرۆشیاری کا بە 964ـی راگەیاند، لەگەڵ ئەوەی نرخەکەشی بەو شێوەیە هەرزان بووە، ئەمساڵ کا کڕیاریشی نییە.

وتیشی، “ئەمساڵ پووش زۆر بووە و ئاژەڵدارەکان کای باشیان خستووە، بۆیە ئەگەر بیشیکڕن بڕێکی کەم دەکڕن”.